Hèires

1. Participacion en hèires d’encastre territoriau

Dempús der an 2012, eth Patronat de Promocion Economica ei er organisme dera Deputacion de Lhèida encargat de tutelar e coordinar damb es ajuntaments respectius eth montatge e desmontatge der estand institucionau a on aguesta institucion assistís enes diferenti concorsi firaus per dar a conéisher toti es servicis, projèctes e activitats dera Deputacion de Lhèida.

 

2. Mòstra culinària ‘Aliments deth territori e tu’

Dempús der an 2013, eth Patronat de Promocion Economica, organisme autonòm dera Deputacion de Lhèida encargat de tutelar e coordinar era assiténcia des estands enes diferenti concorsi firaus d’encastre territoriau, presente era mòstra culinària ‘Aliments deth territòri e tu’ coma promocion dera aufèrta agroalimentària des productes des Tèrres de Lhèida, Naut Pirenèu e Aran.

alimentsdelterritori.cat

Hèira der Òli de Les Garrigues

Les Borges Blanques – deth 19 ath 21 de gèr

Hèira de Sant Josep

Molherussa – deth 16 ath 19 de març

Fira Q de Balaguer

Balaguer – 28 e 29 d’abriu

Hèira Agrària de Sant Miquel

Lhèida – deth 27 ath 30 de seteme

Hèira de Sant Ermengol

La Sèu d’Urgèl – 20 e 21 d’octobre

 

3. Guida de Hèires

Era Deputacion de Lhèida edite un an mès era Guida de Hèires des comarques de Lhèida, qu’arrecuelh era informacion des 199 concorsi que se celèbren en 107 municipis lheidatans Era activitat firau ara demarcacion de Lhèida non a deishat d’aumentar es darrèri tres ans, que a passat des 144 concorsi firaus de 2013 as 210 que s’an programat aguest 2019.

Un totau de 48 hèires mès que contribuïssen a assolidar e enfortir era activitat economica des comarques lheidatanes, atau coma vier un punt d’amassada e de reconeishença des productes.

Tota era informacion des 199 hèires se concentre ara Guida de Hèires des comarques de Lhèida 2018, qu’un an mès a editat era Deputacion de Lhèida a trauès deth Patronat de Promocion Economica.

Era guida aufrís ua descripcion complèta (nòm, lòc e dates de celebracion, sector, dades de contacte e caracteristiques) des hèires que se debanaràn ara demarcacion.

Un totau de 107 municipis celebraràn bèra hèira aguest 2019. Per sectors destaquen eth alimentari e gastronomic, damb 59 salons; er artesanau e artistic, damb 57 salons e er agricòla e pagés, damb 15 concorsi.

Tanben se celebraràn 8 hèires d’automocion, 7 de comèrç e servicis, 8 d’espòrts, 6 de decoracion, colleccionisme e jardineria, 6 mieiambientaus, 8 multisectoriaus e 8 mès d’auti sectors.

Er objectiu dera guida ei hèr conéisher e promòir era activitat firau des comarques lheidatanes.

A mès deth format papèr, era Guida de Hèires des comarques de Lhèida 2019 contunhe present en format digitau coma aplicacion digitau gratuïta entàs dispositius mobils.

 

Descarrega’t la Guia de Fires 2019