Subvencions dirèctes
Er objècte d’aguestes ajudes ei era concession, per part deth Patronat de Promocion Economica dera Deputacion de Lhèida, de subvencions de forma dirècta entà activitats restacades damb eth desvolopament economic ena demarcacion de Lhèida.
Subvencions a Enterpreses entara participacion en hèires e salons d’encastre internacionau
Er objècte d’aguestes bases ei regular era collaboracion deth Patronat de Promocion Economica dera Deputacion de Lhèida, d’ara enlà eth Patronat, damb es empresaris sociaus o individuaus, que desvolòpen era sua activitat totau o parciauments enes comarques de Lhèida, entà incentivar era sua participacion en hèires e salons d’encastre internacionau, que se celèbren en territòri nacionau o ar estrangèr, e atau agranir es sòns airaus d’influéncia comerciau.
Subvencions a ajuntaments dera demarcacion de Lhèida signataris deth Pacte de Bailes e Bailesses peth Climat e era Energia. Redaccion deth Plan d’Accion pera Energia Sostenible e eth Climat (PAESC)
Er objècte d’aguestes nòrmes ei regular eth procediment entara concession dirècta d’ajudes as ajuntaments dera demarcacion de Lhèida signataris deth Pacte des Bailes e Bailesses, entara redaccion deth Plan d’Accion pera Energia Sostenible e eth Climat (PAESC), entà presentar-lo ath Burèu deth Pacte dera Union Europèa.